Do gfinden ier immer neues und intressants über mi.

24.3.2007

I bi hüt an dr SM z Bern an Start ganga. Nachdem i ir Vorqualifikation als 2. hervor ganga bi und ir Wucha devor usgezeichniti Resultat gschossa ha bin i mit em ziel an Start ganga jetzt do en Medaille oder am beschta die goldige z hola. Nach de erschta mässige probeschüss ha i mi denn doch guat könna ischüssa und ha dr Wettkampf nach enere viertelstund Probeschüssa guata Gwüssa ko starta. Dr Wettkampfstart isch mer denn jedoch gründlich id hosa ganga. Die erschta dri Schüss landeten gad au alli i dr nüner Wertig. Irgendwo hetts gewaltig klemmt. I bi denn ussigstanda und ha mina Coach ufgsuacht, der hett mer gad au wichtigi Tipps könna geh womit dr glauba  an mis Handligsziel wieder hergstellt worda isch und dr Kampf um d Medaille fu neuem hett könna beginne. Nach dr erschta Passa ha denn aber doch scho sechs Verluschtpunkt müassa in Kauf ne. I ha denn zwar immer besser in Rythmus gfunda aber der zweita Passe (96) hett gad müassa waker laufa dass na es was drinn glega wer. i ha zwar gmerkt, dass na alles dinnaligt. bis zum 27Shuss hetts au wirklich so usgsiah als ob is na könnt packa aber als mer där schuss fort isch bevor i zielet han han i gmerkt es ischt vorbei. Wenigschtens hett dr Monitor na essechsi azeiget was würkli fu schierem ''Glück'' zügt. Di dritt Passe hett somit samt en sechser 95 ge. I dr letschta Passe isch denn dr Fada total grissa mit ma achter. Z Geesamttotal fu 381 isch bi mier doch anera klinera Katastophe glich cho, han i doch im training nia under 386 gschossa. Aber trotzdem luaga i zuaversichtlich uf d Outdoorsaison....