Es muass en huara schöna Tag gsi si vor knapp 15 Johr wo i z Walestadtuf d Welt bi cho. Mini Eltera hend natürli afngs an ihrem allererschta Kind au a riesa Freud ka. Was i so körrt ha ischna aber dia freud scho zimli gli verganga, denn i hegna sit dua i de erschta Jouhr schu zimli z schaffa gmacht. Aber trotzdem han i ne viel Freud gmacht. Als schlaus Kind wia i halt gsi bi han i halt früah au schu alles wella wüssa, was ne schinds schu na öppa uf d Nerva ganga sig, winn sie wieder amol kai Antwort uf mini Frouge gwüsst hind. Wo i Drü jäihrig gsi bin hann i dinn au z erschta Gschwüschterli becho, dr Simon, nätürli bin au immer ganz en liaba gsi mit ihm    (das gsiaht me ihm hüt na ah). Denn Zwei Jouhr spöiter heds denn gad namola äs Gschwüschterli gi, damol seit me ihra Miriam. Zum na Maiteli isch me sowiesou uu mega fin gsi also han is eigetli super schü ka als klina tisi. Dinn hett das aber alles es abrupts end ka nämli dinn wo i ha müassa z erschtmola id schual. Das isch mer z erscht schu a koi langwilig vourko aber dinn ha mi ir sächsta Klass gfühlt wia i ir erschta Klass igschloufa und ir 1. Sek wieder ufgwacht wer. Jä nu aber d sek zit hend schu schwer beidruckt vorallem au dia tatsach dass könnt lerna... Aber im groussa und ganza isch d sek voll dr Hammer und mega luschtig. Jetzt schrib i nümma witer denn i sött pizza usem Ofa hola...